OMSTANDIGHEDE SO KENMERKEND VAN DIE LAND

Onlangs is 'n aantal AWB-ledeweer in hegtenis geneem, volgens 'n berig met 'n ongelisensieerde wapen en ammunisie onderweg na De Doorns om te keer dat De Doorns se boere weer die slagoffers van die lamsakkige polisie word deurdat daar nie behoorlik deur die polisie teen plunderende bendes wat hulle as stakende plaaswerkers voordoen, opgetree word nie.

Dit, hierdie prysenswaardige optrede van die ongelukkige Afrikaners, maak hul uiteraard reeds die slagoffers van omstandighede, omstandighede so kenmerkend van die land waarin ons leef met die behoorlike handhawing van reg en orde verreweg nie een van hierdie kenmerke nie.

Al wat daar vir hierdie ongelukkige mense wat in die hande van die spesiale ondersoekeenheid, die sogenaamde Valke, geval het, gesê kan word is dat die provokatiewe omstandighede waarin hulle opgetree het, in alle waarskynlikheid 'n heel laaste, indien hoegenaamd, in aanmerking sal kom in die oorweging van hul skuld.

Beskawing het alles te doen met ʼn Godsbegrip wat ʼn fondasie lê vir moraliteit.   As hierdie morele fondasie ontbreek (soos tans in S.A.) stort ʼn beskawing in duie.

Vir amper 20 jaar is die Regime nou-al besig met die slenter van ʼn Reënboognasie.   Die Mandela/de Klerk grondwet het die Afrikaner as ʼn tydelike noodsaaklike euwel verklaar.   Alle sektore word oorgeneem as ANC besit en dan ten gronde gerig as gevolg van onbekwaamheid en korrupsie. Waninterpretasie van die geskiedenis het daarom noodsaaklik geword om eie swakheid te verbloem en sodoende die onredelike tot die redelike te verhef.   Propaganda het die plek ingeneem van waarheid. Selfvergrype plunder ʼn eertydse beskawing tot ʼn blote nagedagte.

DIT HET NIE GISTER BEGIN EN GAAN NIE MÔRE OPHOU NIE!

Met die afsterwe van twee aartsliberaliste en Afrikanerhaters, Chaskalson en Gerwel, wat die lewensbeskoulike beginsel van afsonderlike ontwikkeling van die Afrikanervolk met hand en tand beveg het, verskyn die satanaanbidder Gaga op die toneel om verder by te dra tot die ondergrawing van die beginsel van Christelike waardes van ons volk.

‘n Bevestiging en seker bewys aan strydmoë Afrikaners dat stryd nie gister begin het en nie more gaan ophou nie. Stryd is ewigdurend en beproewend vir die Afrikaner se sin vir verantwoordelikheid, veral sy geloof, standvastigheid en moed. Dit is by gebrek aan hierdie kwaliteite dat ons volk hand-oor-hand ingesleep word in die wêreldse maalkolk van dekadensie waarvoor die liberale en Humanistiese gelykstellingsbenadering van Gerwel, Chaskalson en genote die weg help voorberei het.  Dat ons volk op bedenklike wyse ingesleep is in hierdie stroomversnelling van verval, met diaboliese werksmetodes deur gesante van die bose wat jammerlik nog vandag in die lewe oorgebly het,is sekerlik waar maar nie ʼn verskoning vir dié van ons wat dit nou aanvaar en daaraan meedoen nie.

HABAKUK 3: 12-19

ja, ek het gebewe waar ek staan, omdat ek rustig moes wag op die dag van benoudheid dat dit aanbreek vir die volk wat op ons ’n aanval maak.

In grimmigheid betree U die aarde, in toorn dors U die nasies.

13 U trek uit tot redding van u volk, tot redding van u Gesalfde. U verbrysel die kop van die huis van die goddelose en ontbloot die fondament tot by die nek. Sela.

14 U deurboor met sy eie pyle die hoof van sy leiers wat storm om my te verstrooi; wie se gejuig is asof hulle die ellendige in die skuilhoek wil verslind.

15 U betree die see met u perde, ’n hoop magtige waters.

16 Toe ek dit hoor, het my ingewande gebewe; my lippe het getril by die geluid, bederf het gekom in my gebeente, ja, ek het gebewe waar ek staan, omdat ek rustig moes wag op die dag van benoudheid dat dit aanbreek vir die volk wat op ons ’n aanval maak.

17 Alhoewel die vyeboom nie sal bloei en aan die wingerdstokke geen vrug sal wees nie, die drag van die olyfboom sal teleurstel en die saailande geen voedsel oplewer nie, die kleinvee uit die kraal verdwyn en geen beeste in die stalle sal wees nie —

18 nogtans sal ek jubel in die HERE, ek sal juig in die God van my heil.

19 Die HERE Here is my sterkte, en Hy maak my voete soos dié van herte, en Hy laat my tree op my hoogtes. Vir die musiekleier op snaarinstrumente.

O Vader, hoe het die sorge van die lewe ons oë verblind dat ons op prinse begin vertrou en U almag vergeet het! Laat ons lippe weer tril en ons ingewande bewe sodat ons geloof in U versterk mag word en ons kan wag op U wat nasies dors in U toorn! Trek tog uit tot redding van U volk, o Vader, in Jesus se Naam pleit ons by U.