Die twyfel wat deur moderne “skrifgeleerdes”, indien nie Fariseërs nie, oor die inhoud van die Bybel gesaai word en as fabels afgemaak word, het by baie gelowiges verwarring en onsekerheid laat ontstaan sodat gelowige ankers begin losraak.

Lukas wat ʼn mediese dokter was het egter reeds in die tyd rondom die gebeure waarvan ons vandag lees, veral sedert die geboorte van Jesus tot by Sy kruisiging en opstanding, die twyfel gemerk en noukeurig navorsing gaan doen deur met mense wat daar was, die gebeure gesien en selfs daarby betrokke was, gaan praat en dit geboekstaaf.

Ons het dus nie met fabels te make nie, maar met geskiedkundige gebeure wat noukeurig nagevors en opgeteken is deur met mense wat dit gesien en beleef het te praat en chronologies te boekstaaf. Lees Lukas se besorgde stelling oor die baie vertellings van wat werklik plaasgevind het en sy besluit om orde daarin te bring. Ook sommige ander gedeeltes wat die waarheid onomstootlik bevestig!

DIE AVP SE NUWEJAARSBOODSKAP VIR 2013

DEUTERONÓMIUM 11:12 ’n land waar die HERE jou God voor sorg; die oë van die HERE jou God is altyddeur daarop, van die begin van die jaar tot die einde van die jaar.

Wanneer gelowiges ʼn nuwe dag, ʼn nuwe week, ʼn nuwe maand, maar ook en veral ʼn nuwe jaar betree, sonder om ons God en Vader in aanmerking te neem, is chaos ons voorland. Hy het Sy oë altyddeur op die land. Nie net by die aanvang van die nuwe jaar nie, maar tot aan die einde daarvan!

As ons Afrikanervolk terugkyk op 2012, kan ons tereg wonder of Suid Afrika nog onder God se sorg val, en as daar twyfel by ons is moet ons dadelik deur selfondersoek ons eie en persoonlike aandeel aan die rede vir die gebrek aan die sorg van God vir Suid Afrika vasstel voordat ons dit op enige ander plek of by ander redes gaan soek.

Die wonderlikste versekering wat ons egter kan hê vir 2013 wat voorlê, ongeag van wat reeds vooruit bepaal kan word op grond van wat nou al reeds sigbaar is, is die versekering uit die Bybel dat God se oë van die begin van die jaar tot die einde van die jaar, altyddeur op Suid Afrika gerig is! Maar wat is dit wat Hy verwag om te sien? 

...En op die voorstoep van 2013. Wat lê agter u wat oorgebly het van u verwagtings en wat lê voor u wat u met sekerheid kan voorspel?

9 Dink aan die dinge wat tevore was, van ouds af, dat Ek God is, en daar is geen ander nie; Ek is God, en daar is niemand soos Ek nie;

10 wat van die begin af verkondig die einde, en van die voortyd af wat nog nie gebeur het nie; wat sê: My raad sal bestaan, en al wat my behaag, sal Ek doen;

JESAJA 46

1 Bel het inmekaargesak, Nebo staan krom; hulle afgode is vir die diere en die vee; beelde wat julle rondgedra het, is opgelaai, 'n vrag vir die vermoeide diere.

2 Saam staan hulle krom, inmekaargesak; hulle kon die vrag nie red nie, maar het self in gevangenskap gegaan.

Nie die kwessie van die aanskaf en vertroeteling van honde nie, maar die fokus op die handhawing van eie kultuur en karakter wat jou onderskei van ander soos wat dit in die skepping bedoel was. Alles volgens hulle soorte, plante, diere, insekte, voëls en uiteindelik ook volke.

Dit is betekenisvol dat die hoofstroom media dit goedvind om Zuma oor hierdie spesifieke uitspraak aan te val en te verneder deur dit te trek oor die boeg van die troeteldier, nl. Die hondjies waarna Zuma verwys het. Dit is egter ooglopend duidelik dat Zuma die voorbeeld van die hond gebruik het om sy vermaning aan sy eie volksgenote en veral die jeug te versag om nie afstand tussen hom en die jeug te vergroot nie.