I/S: Boereregte om hulle eiendom te beskerm.

Die AVP het hierdie brief wat in die Landbouweekblad gerig is ontvang en plaas dit graag ter wille van die Boere wat dit nie gelees het nie en terselfdertyd in landsbelang ter wille van elke Blanke wie se eiendom en lewe bedreig word met die skynbare goedkeuring van die regime.

Adv. A. J. Murphy

16 November, 20121

Die Redakteur

Landbouweekblad

Geagte Heer,

I/S: Boereregte om hulle eiendom te beskerm

Ek het verlede week oppad na my plaas in die Karoo, deur de Doorns gery en het aanskou hoe boere se wingerde afgebrand word deur werkers. Wat my veral opgeval het is die onbehulpsaamheid waarmee die Suid Afrikaanse Polisie die situasie hanteer het. Praat nie eers van die feit dat die land se hoofroete tussen die moederstad en die binneland vir dae deur niks anders as boewery gesluit en die verkeer ontwrig is nie; dit is onverskoonbaar dat die regering en veral die Polisie toelaat dat mense se eiendom op so „n misdadige wyse vernietig word en dat hulle soos n spul padbobbejane langs die hoofweg sit en toekyk hoe die vernietiging voortgaan sonder om 'n vinger te veroer nie.

AGRI SA SE OPLOSSING VIR DE DOORNS

Dit verstom ‘n mens dat liberale organisasies deur hulle optrede en uitsprake die indruk bly wek dat die gewone blanke landsburger se intelligensie en hulle s’n op dieselfde vlak lê, terwyl die verloop van die politiek in Suid Afrika sedert die sluipmoord op dr. Verwoerd nou al by herhaling bewys het dat hulle intelligensie met dié van die res van Afrika vergelyk kan word as dit by politieke oplossings kom.

Probeer sin maak uit Agri SA se stelling dat: Boere in die Wes-Kaap wie se werkers onwettig staak moet toegelaat word om self te besluit wat die mees geskikte optrede teen hulle sal wees, het Agri SA Vrydag gesê.

"Wetteloosheid en kriminele aktiwiteite kan nie geduld word nie en die skuldiges moet deur die gewone vervolgingsproses tot verantwoording geroep word," het Anton Rabe, hoof van Agri SA se arbeidskomitee, gesê. Werkgewers moet besluit hoe om teen stakende werkers op te tree, omdat die staking onwettig is, het Rabe gesê. Hierdie berig het in die Rapportkoerant verskyn en sê tegelyk dat die Boere moet self kan besluit en dat die skuldiges deur die gewone vervolgingsproses tot verantwoording geroep moet word.

PREDIKER 2:26

Want aan ’n mens wat welgevallig is voor sy aangesig, gee Hy wysheid en kennis en vreugde, maar aan die sondaar lê Hy die taak op om bymekaar te maak en te versamel, om dit dan te gee aan een wat welgevallig is voor die aangesig van God. Ook dit is tevergeefs en ’n gejaag na wind.

Prediker 3:1

ALLES het sy bepaalde uur, en vir elke saak onder die hemel is daar ’n tyd:

Prediker 5:7-9

As jy verdrukking van die arme en berowing van reg en geregtigheid sien in die land — verwonder jou nie oor die saak nie, want ’n hoër een loer op die hoë, en die hoëre weer op hulle.

8 Maar ’n voordeel vir ’n land onder alles is dit: ’n koning wat aan die landbou diensbaar word.

9 Hy wat geld liefhet, kry nie genoeg van geld nie, en wie rykdom liefhet, nie van inkomste nie; ook dit is dan tevergeefs.

Dankie o Vader, vir hierdie wysheid uit U Woord. Want ons sinne is hierdeur al grootliks verduister! Amen.

Satan in Laeveld

2012-11-11 00:38

Charlene de Lange in Nelspruit

Die sonde vier hoogty op Nelspruit.

Nie net kry dié dorp in die Laeveld die komende week sy eerste ontkleeklub nie, daar word ook jare lank al gefluister dat dié dorp sy eie swingers-klub het. En laasgenoemde lok klaarblyklik selfs vooraanstaande inwoners van die dorp. Die ontkleeklub Blue Tango maak die komende week sy deure wyd oop. Benewens die kaalbasdanseresse, word klante ook gelok met ’n BBP-area, ’n sjampanje-en-sigaar-ontspanningsarea en ’n restaurant. Daar is selfs private hokkies waar klante skootdanse kan geniet. Sommige inwoners meen Blue Tango sal ’n nes van onheil wees.

“Die ontkleeklub is ’n immorele hool wat vir seker onmin in huwelike gaan veroorsaak,” meen Tersia Marshall, ’n prokureur van Nelspruit.

Maar Blue Tango is net die oortjies van die seekoei.