As ge-oormerkte verteenwoordiger van die “geldmag” in Suid Afrika, reeds toe Mandela nog in die lewe was, en die eerste “leier” uit Suid Afrika wat onlangs deur die koningshuis vir besoek uitgenooi is, gul ontvang en onthaal is, sal dit verbasend wees indien die Britte sonder uiterste klandestine maneuvers, toelaat dat Ramaphosa uit sy gekose posisie uitgedruk word.

Rys massiewe industriële geboue soos padastoele op in die omgewing van Kemtonpark. Is die “geldmag” só oortuig van totale oorname van Suid Afrika uit die hande van die Afrikanervolk dat belegging van enorme omvang in ‘n land wat in finansiële rommelstatus verkeer, klaarblyklik nie vir hulle enige risiko’s inhou nie?

Dit is verder ook duidelik dat met die oprigting van die “African Mall” en die bou van ‘n nuwe stad tussen Johannesburg en Pretoria, op wat bekend staan as die Waterval-plaas, die geldbelange meer vertroue in Suid Afrika het as die Afrikanervolk self!

Deut. 11:1-32 “DAAROM moet jy die Here jou God liefhê en altyd sy ordening, sy insettinge sowel as sy verordeninge en sy gebooie onderhou.” (:1).

“Onderhou dan sorgvuldiglik al die insettinge en die verordeninge wat ek julle vandag voorhou.” (:32).

Luister na die woorde van die Psalmdigter uit Psalm 119:5&6. “Ú het u bevele gegee om dit trou te onderhou. Ag, was my weë maar vas om u insettinge te onderhou!”

Nog ‘n bewys van David Styles se afleiding van die doel van die Freedom Charter, die bloudruk waarop die ANC se regeerstyl gebou is. ‘n Rampokkerbende sonder moraliteit, sonder integriteit, sonder eerlikheid en veral sonder gewete! Dit is wat F.W.de Klerk en sy kabinet op die Afrikanervolk afgelaai het! ‘n Bose plan in die Broederbond beklink, na die kerke deurgegee en ondersteun en nou instand gehou deur elke organisasie wat die grondwet aanvaar het en die stelsel aanvaar en ondersteun.