Hierdie debat is al by herhaling gevoer, en steeds word die leuen herhaal en herhaal en herhaal. Dit was Ghoete wat gesê het dat as die leuen net oor en oor herhaal word, word dit later as die waarheid aangeneem.

In die Engelse taal word die “ism’s en in Afrikaans die ismes almal verkeerdelik gegroepeer as ideologieë. Dit is opmerklik dat in hierdie debatte die betekenis van wat ‘n ideolgie nou eintlik is, nooit verduidelik word nie. Waarskynlik omdat baie van hierdie mense bloot napraters is van politici en self nie die betekenis ken nie. Die meeste en ergste misleiding kom in die kerk voor by predikers wat ‘n ideologie verkondig instede van die Woord, sonder die nodige kennis en soms met die doelbewuste verwringing van die waarheid!

Die tyd waarin ons nou lewe het duidelik ‘n klemverskuiwing ondergaan. Lewe wat die kroon van die skepping is, wat nadat God die hemel en die aarde geskape het en tevrede was dat dit alles goed was, Het Hy die mens geskep as die Kroon van Sy skepping met die gesag en opdrag om oor die skepping te heers.

Dit verstom ‘n gelowige mens dat daardie geskape lewe, vir owerheid en onderdaan, vandag baie minder waarde het as geld en goed! Selfs in Suid Afrika het die owerheid onder leiding van FW de Klerk gekies om die lewe van ‘n volk, ondergeskik te stel aan die materiële sug van die Britte en Amerikaners, asof daar geen ander uitweg was nie.

Efésiërs 4:17-32

“DIT sê en betuig ek dan in die Here, dat julle nie meer moet wandel soos die ander heidene ook wandel in die verdwaasdheid van hulle gemoed nie — mense wat verduisterd is in die verstand en vervreemd van die lewe van God deur die onkunde wat in hulle is vanweë die verharding van hulle hart; wat ongevoelig geword het en hulle oorgegee het aan die ongebondenheid om in hebsug allerhande onreinheid te bedrywe.” (:17-19).

Die Afrikanervolk het ‘n tyd beleef waarin hy met wyse en verstandige leiers geseën was. Hierdie leiers het nie alleen omgesien na die vleeslike behoeftes van ons volk nie, maar ook maatreëls getref wat die geestelike welstand van ons volk sou beskerm.