PERSVERKLARING

Na die afsterwe van Genl. Constand Viljoen op Vrydag 3 April 2020 is hy vanuit verskeie oorde en telkens met verskillende perspektiewe gloeiend geloof en prys. Met die afsterwe van enige persoon volg daar altyd hartseer en ‘n gemis. Die Afrikaner Volksparty wil daarom ook aan sy familie ons opregte simpatie betuig.

 Hierdie verklaring is nie ‘n aanval op die persoon van genl. Viljoen as mens nie maar is daarop gerig om sy politieke verlede en nalatenskap nugter in perspektief te stel. As ‘n mens jou in die openbare lewe begewe stel jy jou bloot daaraan dat jou optrede en woorde die onderwerp van kritiese ontleding kan word. Dit is veral so as jou openbare optrede op die terrein van die politiek was en dit die toekoms van jou volk ingrypend geraak het. Dit was so in die verlede en is ook so in die huidige. Daarvan is daar verskeie voorbeelde uit die geskiedenis van die Afrikanervolk – genl. Jan Smuts en Louis Botha is maar enkele voorbeelde hiervan.

VLAAMS BELANG SE VOORSITTER MNR. TOM VAN GRIEKEN: "ONS HET 'N OPE BRIEF AAN DIE EERSTE MINISTER GESTUUR OM TEEN HIERDIE UITSLUITING TE PROTESTEER".

Geagte leser. In ons eerdere vraaggesprek wat ons met die voorsitter van Vlaams Belang in Oktober 2019 gehad het, het dit geblyk dat hulle 'n baie groot oorwinning behaal het. Ons sou dus kan veronderstel dat die party uitgenooi sou word om deel te neem aan die nuwe regering. Nogtans word hul geignoreer en bestaan die nuwe regering vir die merendeel uit politieke partye wat baie verloor het. Om teen hierdie gang van sake te protesteer het mnr. van Grieken 'n ope brief geskryf aan die Eerste minister mev. Wilmés.

Jer. 10:1-16

“So sê die HERE: Maak julle nie gewend aan die weg van die heidene nie, en skrik nie vir die tekens van die hemel, omdat die heidene daarvoor skrik nie.” (:2).

Ek en u as Afrikaner kinders is deel van ‘n baie unieke volk aan die Suidpunt van Afrika. Ons is deel van ‘n volk in wie se geskiedenis ‘n verhouding met God Drie-Enig duidelik sigbaar is. ‘n Volk in wie se geskiedenis die roemryke dade, barmhartigheid en almag van God sigbaar is. Ons is ‘n volk wie se voorsate nie alles reg gedoen het nie, want hulle was ook maar mense. Ons is deel van ‘n volk met individue waarvoor ‘n mens jou behoort te skaam weens hul skandelike optredes en menigmaal veragting en verloëning van die Here. Maar in dieselfde volk was daar mense wie se lewens getuig het van ‘n diepe liefde, ware kennis en nederige ootmoed teenoor God. Diegene wat deur hul Godvresende lewens die barmhartigheid, getrouheid en goedertierenheid van God vir hul nageslagte verwerf het. “Jy moet dan weet dat die HERE jou God God is, die getroue God wat die verbond en die goedertierenheid hou vir die wat Hom lief het en sy gebooie onderhou, in duisend geslagte.” (Deut. 7:9).

Oor die ontstaan van die virusword daar baie uitsprake gemaak. Amerika sê dit is China en China sê dit is Amerika. Indien die virus mensgemaak is, is daar ook ‘n wye meningsverskil oor die oogmerk daarmee.

Dat daar met getalle, die omvang en effek van die virus op bedenklike wyse omgegaan word, is daar geen twyfel as dit gemeet word aan voorheen vergelykbare “epidemies” nie. Die mate van huisarres waarin ons in Suid Afrika onderwerp word, word gebruik om die “effektiewe” beheermaatreëls van die regime te regverdig met verwysing na die aantal gevalle en sterftes waarmee ons gesus word. Dit dien dan ook sommer om die brutale optrede van polisie en weermag te verantwoord.