Die AVP betreur die Afsterwe van een van ons dagbestuurslede wat gisteroggend om 3.45 vm, 3 Augustus 2020, na ‘n kort siekbed oorlede is.

‘n Beginselvaste, onkreukbare sout van die aarde Bittereinder Afrikaner wat vas geglo het dat die beleid van Afsonderlike Ontwikkeling, onontbeerlik was vir Afrikaner voortbestaan. ‘n Beleid wat dr. D.F. Malan aan Adv. Hans Strydom oorgedra het en wat Hans Strydom aan Dr. Verwoerd oorgedra het maar wat in die stof geval het na die internasionaal beplande sluipmoord op hom. In die bloedplas van dr. Verwoerd, op die vloer van die parlement het die Nasionale Partybeleid bly lê, buite die vermoë, moed en durf van John Vorster wat hom opgevolg het om wat Verwoerd opgebou het voort te dra en instand te hou.

Matt. 21:1-11

“Sê vir die dogter van Sion: Kyk, jou Koning kom na jou toe, sagmoedig, en Hy sit op ‘n esel, ja, ‘n jong esel, die vul van ‘n pakdier.” (:5).

Onse Here Jesus Christus stel vir ons so ‘n wonderlike voorbeeld met Sy intog in Jerusalem. Sy nederigheid en sagmoedigheid raak ‘n mens diep. Hy wat die Seun van God, die Allerhoogste van die heelal is, verhef Homself nie by elke geleentheid wat hom voordoen nie. Nee, op nederige en sagmoedige wyse ry Hy Jerusalem op die rug van ‘n esel binne om hiermee die woorde van die profeet Sagaria in vervulling te bring. “VERHEUG jou grootliks, o dogter van Sion! Juig, o dogter van Jerusalem! Kyk, jou Koning kom na jou; regverdig en ’n oorwinnaar is Hy; nederig en Hy ry op ’n esel — op ’n jong esel, die vul van ’n eselin.” (Sag. 9:9).

In ‘n uiterste poging van die media om ons te oortuig dat ons in utopia aangeland het en F.W.de Klerk se visie van ‘n “leiernasie” verwesenlik is, is dit raadsaam om opnuut na ons Afrikanervolk se posisie te kyk en te vergelyk met wat ons gehad het.   Daar is by herhaling ‘n vooruitskouing gegee van vêrsiendheid, gegrond op die vermoë om beleid en besluite twintig jaar vooruit te projekteer en te weet wat die gevolge daarvan sal wees, deur meer as een Afrikanerleier. Vêrsiendheid gegrond op waarneming, ervaring en insig, maar wat ons deur die vingers gesien het. Dit is dáárdie gevolge wat ons postmodernnistiese “slim” en selfaangestelde politici nou ingehaal het. Die AVP kyk opnuut terwille van perspektief in 'n troebel tyd, na net een van ons vorig ware Afrikanerleiers

RAADSLID MNR ERWIN VERSTEEG VAN VERBINDEND ENSCHEDE: "IN MY OË IS NET NASIONALISME DIÉ ENIGSTE ANTWOORD OP DIE BLACK LIVES MATTERS BEWEGING"

Geagte leser. Ons het weer 'n baie insiggewende onderhoud gehad met mnr Erwin Versteeg, die raadslid van Verbindend Enschede, Die aanleiding is die vandalisme van die sg anti-rassisme beweging Black Lives Matters wat, sedert die dood van die bekende George Floyd nou al maande 'n spoor van vernieling agterlaat waar hulle opduik. Standbeelde wat na hul siening 'verkeerd' is word in die water gegooi of geverf in rooi of andere kleure of dit word gekaap. Winkeliers wat dit waag om hul te verset dat hul sake geplunder word of durf te stel dat 'all lives matters' word afgedreig en daar is ook al 'n geval bekend in die VSA waar 'n mevrou wat dit geuiter het dit met die dood gedreig is.