Wat ‘n fees vir die kriminele in Suid Afrika! Die regime se moedswillige weiering om veiligheidsorganisasies toe te laat om met patrolering voort te gaan en ook ‘n beperking te plaas op boereveiligheidsorganisasies, skep ‘n teelaarde vir ‘n onbeheersde misdaadvlaag wat daagliks eskaleer.

Swart kinders wat in die boere se mielielande ingestuur word wat sakke vol groenmielies pluk en dit dan in die donker na die pad toe sleep waar bakkies dit oplaai en aan straatverkopers voorsien wat oral in die stede en dorpe sit en dit verkoop, rig enorme skade en verlies aan inkomste vir die boere aan.

As die toenemende skaap en bees diefstal bygereken word, die verhoogde plaasaanvalle en moorde op boere, is die regime se beheermaatreëls in belang van die bekamping van Cvid 19, ernstig onder verdenking.

Dit is met dankbaarheid in die hart om te kan beleef hoedat daar aan die die Woord van God nog deur sommige gelowiges voorkeur verleen word in teenstelling met die leuen wat besig is om die "kerk" in die ganse wêreld te vernietig! Die hele wêreld leef 'n leuen! Dit verstom 'n mens dat die grootste leuen in menseheugenis, die Corona leuen, sonder slag of stoot gesluk word en soos skape gelei deur 'n Judasbok, aanvaar die hele wêreld huisarres en inperking van elke basiese vryheid asof daar geen uitkoms is nie!

Soos die hiërargie van die kerk, alle kerke hulle onderwerp aan sinodebesluite en lidmate hulle weer laat saamsleep deur hulle ringe en kerkrade, só onderwerp regerings hulle aan die leiding van groter moondhede en burgers op hulle beurt weer aan hulle owerhede, ongeag of daardie besluite meriete het of nie! 

Nietemin loof ons van die AVP, Heilbron -Suid gemeente wat die waarheid van die Woord hoër ag as die valsheid van ringe en sinodes wat die pad byster geraak het

Wie dit mag aangaan

Insake: Dolering van die Ned. Gerf. Gemeente Heilbron-Suid

Matt. 26:17-30

“Toe neem Hy die beker, en nadat Hy gedank het, gee Hy dit aan hulle en sê: Drink almal daaruit. Want dit is my bloed, die bloed van die nuwe testament, wat vir baie uitgestort word tot vergifnis van sondes.” (:27&28).

Die Here Jesus Christus gee aan Sy dissipels die beker met die opdrag om almal daaruit te drink. Hierdie instelling word deur ons Heer en Meester self gegee sodat ons deurgaans daaraan herinner kan word dat onsaan Hom deel het. Ons behoort hierdie beker uit die Hand van die Here met dankbaarheid, met nederigheid aan te neem. En ons is terselfdertyd veronderstel om hierdie beker te neem tot nagedagtenis aan Hom. “Net so ook die beker ná die ete, met die woorde: Hierdie beker is die nuwe testament in my bloed; doen dit, so dikwels as julle daaruit drink, tot my gedagtenis.” (:25).

In ‘n artikel van Tanya Farber in Times Live op 3 April 2020, dui sy daarop dat daar elke jaar nagenoeg tien miljoen mense siek word aan Tuberkulose.Waar die oordrag van een persoon na ‘n ander, presies dieselfde patroon volg as Covid-19. Daarbenewens sterf 1.5 miljoen mense jaarliks aan TB en is daar geen van hierdie buitengewone en verstommende maatreëls wat getref word soos met Covid nie. Dit is ‘n geldige vraag waarom nou en waarom met iets wat eintlik net ‘n pandemie is omdat die media dit daartoe opblaas.