Psalm 66:1-20

Vers 1 van die gelese gedeelte lui “…Juig tot eer van God, o ganse aarde!”  Dit klink só wonderlik, dog so onwaarskynlik in die tydsbestek waarin ons leef.  Hoe kan die hele aarde tot die eer van God juig indien hulle Hom nie ken nie?  Hoeveel mense en volkere leef van so ‘n aard dat God se Naam daardeur verheerlik kan word?  Ons was en is veronderstel om so ‘n volk te wees – ‘n volk aan Hom verbind met ‘n Gelofte om in trou voor Hom te leef.  ‘n Volk wat op so ‘n wyse leef, dat Sy Naam daardeur verheerlik sou word en dat ons tot Sy eer kon juig.  Wanneer ons egter na ons volk op die volkereverhoog kyk, faal ons klaaglik in hierdie roeping. Dit is egter onteenseglik waar dat daar volksgenote is wat besef dat ons heeltemal te ver gevorder het op die dwaalweg van ons God af en dat ons moet terugkeer na Hom.  Dit is geen maklike koers om in te slaan nie, aangesien dit ‘n stryd stroom-op is waarin mense begeesterd in die teenoorgestelde rigting voorbeur.  Die stryd terug na God en na Sy weë voel soms so lank en vermoeiend dat dit vir ons voel dat ons nooit weer daar sal uitkom nie. 

Wie by sy volle positiewe wil sulke werkers in diens neem en in diens hou wat dit wat hulle van inkomste moet voorsien, telkens vernietig as hulle nie hulle sin kry nie? Mense wat nie ‘n snars omgee van hoeveel ander mense ongerief en skade berokken word deur hulle misdadige handeling. Hulle verdien nie om werk van enige aard te hê nie, net so min as wat die wat die land op só ‘n wyse regeer dat sulke optrede moontlik is, nie verdien om in enige posisie van bestuur of beheer te wees nie! Dit is die wetmatigheid van hierdie mense se kultuur wat de Klerk en die liberaliste nie kan of wil peil nie. Die gevolge is hier onder sigbaar en is slegs die voorspel tot ‘n “Marikana”. 

BENONI POST OFFICE STONED, POST THROWN INTO STREET   Several windows were broken and thousands of mail items were trashed all over the sorting room and street at the Benoni Post Office this morning, allegedly by striking employees. Kevin van der List | 6 October 2014 13:55 Benoni City Times. The damage inflicted on the sorting room at the Benoni Post Office.

Is dit toevallig (iets waaraan ek nie glo nie) dat die opspraakwekkende “lied” van die sogenaamde musiekgroep, Dookoom, juis getoonset is op die wysie van die liedjie “vader Abraham” wat menige van ons as kindertjies op skool gesing het? Ek wil u verseker dat hierdie wysie nie toevallig gekies is nie, maar juis só gekies is om vir ons as Christelike gelowiges aan die Suidpunt van Afrika ‘n verskuilde boodskap uit te stuur.  Wanneer ons kyk na die wekroep wat gemaak word in hierdie lied om te verwoes en te verniel, kan ons dit as ‘n aanvalskreet bestempel.  Is die aanvalskreet teen landbouers (boere) alleen gerig en gelowige Afrikaners in bv. die sakesektor staan dus veilig teen hierdie kreet?  Dit is verseker nie die geval nie.  Die enigste rede waarom landbouers (boere) uitgesonder word en die aanvalle op grond en dies meer op hulle toegespits word, is omdat die grootste konsentrasie van die Afrikanerbevolking hoofsaaklik ‘n lewe gemaak het uit die landbou en dit was nog altyd ‘n lewensaar van ons volk.  Hier is die grootste konsentrasie van die Afrikanervolk waarteen die aanval dus gerig kan word, maar moenie glo dat dit daar gelaat sal word nie.