Galásiërs 1:6-24

“EK verwonder my dat julle so gou afvallig word van hom wat julle deur die genade van Christus geroep het, na ‘n ander evangelie toe, terwyl daar geen ander is nie; behalwe dat daar sommige mense is wat julle in die war bring en die evangelie van Christus wil verdraai.”  (vers6&7).          

Toe ek op skool was was daar 'n popliedjie met die naam The Night Chicago Died. Dit het gehandel oor die nag toe Chicago, 'n groot stad in die VSA, deur misdaad geteister was. Daar was natuurlik baie ander soortgelyke voorvalle later in die VSA, soos in Kalifornië en in New York. In laasgenoemde gevalle het dit gepaard gegaan met kragonderbrekings. Feit is; chaos breek beslis uit as die ligte afgaan.  Uiteraard het ons jongklomp nooit 'n dag kon indink wat dit in ons land sou gebeur nie.

Wel, Suid-Afrika staan op die punt om so 'n dag (en waarskynlik eerder dae en weke) tegemoet te gaan. Wat lê vir ons voor die deur?

Kom ons kyk 'n bietjie na die gevolge van 'n langdurige kragonderbreking. Nie almal het kragopwekkers nie. En kragopwekkers is in elk geval  duur en onvoldoende in meeste gevalle om stowe en yskaste aan die gang te hou. Dus, die vleis gaan vrot word en die melk suur word. Maar dis nie al nie. Besighede maak toe want hulle kan nie meer winsgewend sake doen nie. Dit is 'n ekonomiese ramp wat voorlê. Maar veel erger is die misdaad wat gaan hoogty vier in die donker!

Wat is verkeerd met hierdie twee stellings op die voorblad van Beeld van Woensdag 4 Februarie?

In die eerste stelling, word die opskrif “ras-gif verteer Suid Afrika” deur die skrywer van die artikel, Alicestine October afgelei uit die gesamentlike gesanik van beide de Klerk en Kgalema Motlanthe oor, die “nuwe” (bid jou aan) vlaag van rassisme, wat as dit nie hokgeslaan word nie, dit alles ongedaan kan maak wat die afgelope kwarteeu bereik is.

Die AVP se kritiek teen hierdie soort joernalistiek is die Charlie Hebdo benadering om dit wat Godgeskape is, te vergif met die kranksinnig-liberale uitgangspunt om dit wat reg en waar is te verketter. Ras is deur God geskep en hoe dit nou ookal deur die media vergiftig wil word, sal dit nooit weggaan nie en ook nie die doel waarom God dit so gewil het nie! Geskiedenis het dit oor en oor bewys en die huidige toestand van Suid Afrika het dit sedert 2 Februarie met akklamasie bevestig! Die uiters swak en onoortuigende pogings van de Klerk en kie om dit wat hulle sedert 2 Februarie 1990 aangevang het te probeer regverdig, sal niks daaraan verander nie.

By nadere bestudering van die Freedom Charter is dit duidelik dat die ANC en sy kaders Suid Afrika gaan plunder totdat daar net ‘n beeld oorbly van ‘n land wat deur ‘n sprinkaanswerm toegesak is, kaalgevreet en skoongestroop van sy opbrengs en selfs sy vermoë om verder te produseer.

Wat vinnig en onomkeerbaar herverdeel kan word is natuurlik geld. Of dit nou deur korrupsie, bedrog, diefstal, wanbesteding of salarisverhogings geskied maak werklik nie saak nie. Dat daar egter elke jaar minder en minder vordering met dienslewering en instandhouding in Suid Afrika gemaak word, is vir almal waarneembaar.

Volgens Statistiek Suid Afrika is daar ook boonop ‘n waarneembare toename in armoede in Suid Afrika, maar dit verhoed nie die regime om hulle salarisse steeds aan te pas en ‘n glasie daarop te klink nie! Dat FW de Klerk in sy herdenkingstoespraak oor 2 Februarie 1990 se “politieke-pêrel-voor-die-varke” handeling bereid is om te sê: ...”there are some problems, said De Klerk. This includes rampant crime, corruption in high places, a hugely under-performing education system….” Dat hy, al sou hy dit geweet het, ten spyte daarvan steeds die 1990 toespraak sou gehou het, is betekenisvol! Die gevolge van elkeen van die “problems” (slegs ‘n paar van legio), wat hy hier noem is so skrikwekkend vernietigend dat die motivering vir só ‘n stelling beslis nie in blote oortuiging gevind sal word nie.