Elke vyf jaar word die inwoners in Suid Afrika opgeroep om te kom stem. ‘n Mengelmoes van verskillende rasse, gelowe, volke en immigrante wat die “Reënboognasie” gedoop is. Genadiglik kom die woord Afrikaner nie daarin voor nie! Die betekenis daarvan is dat die ware nasionalistiese Afrikaner nie deel het aan dié wanstaltige “nasie” nie.

Die reënboognasie is ‘n nasie waarbinne volke se reg misken word deur die opsteek van meerdere hande! Meer nog, waar diè Volk wie se land dit regtig is, doelmatig uitgewis word saam met alles wat hulle tot stand gebring het onder die dekmantel van ‘n "moderne demokrasie", gelees Volksmoord!

Hoséa 6:1-11

“En laat ons ken – laat ons dit najaag om die HERE te ken; sy opgang is so seker soos die dagbreek, en Hy sal tot ons kom soos die reën, soos die laat reëns wat die aarde besproei.” (:3).

Die ellendige toestand waarin die Afrikanervolk verkeer, is duidelik sigbaar. Dit blyk dat selfs diegene wat waarskuwings en vermanings ‘n paar jaar gelede met ongeërgdheid afgemaak het nie meer die werklikheid ontken nie omdat dit doodeenvoudig te groot en duidelik is om mis te kyk.

Hierdie besef van ons toestand wat by mense insink, bring natuurlik ‘n tipe van histerie mee. Wanneer die skokkende werklikheid ewe skielik intree, wend ‘n mens mos desperate pogings aan om die dreigende gevaar te ontkom.

Daar word verwys na Hammanskraal waar swartes verlede week ‘n landbouhoewe beset en plakkershutte opgesit het. Daarna is die eienaars tot verlede Sondag gegee om die hoewe te verlaat voordat hulle vermoor word.

‘n Uitsettingsbevel wat die eienaar verkry het is deur die polisie op die besetters bedien wat hulle summier  voor die polisie opgeskeur het. Die polisie het die eienaar versoek om nie op te tree en die besetters teë te gaan nie, maar aan al hulle versoeke te voldoen. Die eienaar mog ook niks uit die huis of van die hoewe  verwyder het nie. Hulle het die eiendom verlaat met net die klere aan hulle lyf. Klik hier vir video

Bovermelde boodskap is wyd versprei en die bron kon nie deur die AVP vasgestel word nie. Wat egter in die laeveld besig is om te gebeur, waar boere van hulle oeste beroof word ten aanskoue van die polisie, bevestig dat dit moontlik waar kan wees! Deur die onderstaande beeldmateriaal, saamgelees met die verskeie uitlatings van swart heethoofde en staatsamptenare wat die blankes se protes kritiseer het, word daar ongetwyfeld op 'n bepaalde  tendens gedui, gerig op die skep van vrees en afskrik van verset!

19 moorde deur swartes gepleeg op blankes en dit is gewone misdaad??

Die AVP sê sonder vrees vir teëspraak dat die meerderheid van moorde deur swart op blank in Suid Afrika, se oorsprong polities van aard is. Enige ander vertolking is naïef en/of moedswillig, gebore uit ‘n agenda.

Na die opmars van blankes op Maandag 26 Oktober, het die tempo van moord op blankes drasties toegeneem. Die kanse dat dit spontaan sonder vooraf beplanning geskied het is wensdenkery wat nie tred hou met die werklikheid van die oogmerk om die blankes uit Suid Afrika te verdryf in belang van die imperiale magte wat daarby sal baat nie.

Daar is reeds in die afsienbare tyd vele voorbeelde wat opgeroep kan word waar talle onskuldige mense ge-offer word deur hierdie magte om hulle doel te bereik. Daartoe het die Afrikanervolk al baie bloed bygedra!