Die skrifgeleerdes en Fariseërs, in noue samewerking met die oorgeërs, saampraters en joiners, is besig om wat hulle as ‘n “pakt” beskou, begrippe soos versoening en selfbeskikking te versondig en te verketter sodat dit haas onherkenbaar voorkom.

In hulle pogings om Umkontoe-veterane en oud weermaglede van die Bosoorlog in Soweto saam te bondel vir versoening, terwyl die blankes toenemend beroof, vermoor, vermink en verkrag word, word die swart taxi bedryf genader om patrolliewerk te doen om die Boere teen plaasaanvalle te beskerm! Vindingryk ne?

’n Beter plan vir wettige observasie, betreding, vervoer van moordenaars na en van aanvalstonele is sekerlik nie te bedink nie!

ONDERHANDELING DIE SLEUTEL

Dit is duidelik waar die blink gedagte van FW de Klerk vandaan gekom het om ‘n referendum uit te roep om daardeur vas te stel of hy ‘n mandaat sou kry vir die verandering van die grondwet deur middel van onderhandeling.   Onderhandeling was die sleutel.   Vir die Amerikaners was dit duidelik dat geen oplossing verkry sou kon word as dit nie deur onderhandeling kon geskied nie. Daarvoor moes die Afrikaner oorreed word. Met ‘n veranderde grondwet, was dit net ‘n hanetree na ‘n swart meerderheidsregering. Maar wat was die Amerikaners se belang in Suid Afrika?

Aspen Institute

In die Weekly Mail van 7-13 April 1989 verskyn daar ‘n artikel oor ‘n byeenkoms wat deur die Aspen Institute gereël is. Die Aspen Institute is in Washington, Amerika gesetel .   Die belangrikheid van die byeenkoms volgens Mark Swilling, die artikelskrywer, is: “...convened to educate a significant group of American congressmen and senators.  Its importance lay in the fact that the conference provided a forum where all the major South African actors could articulate policy positions at a time when the major super powers are working out their approaches towards South Africa after Namibian independance.”

In onlangse E-Posse tussen Jaap Kelder en Johann Wingard, is dit duidelik dat daar steeds agter die skerms gewerk word om met die regime te onderhandel oor ‘n volkstaat. Ek plaas ook hierdie korrespondensie as bevestiging.

Van: "Jaap Kelder" <Hierdie e-posadres word van Spambotte beskerm. Jy moet JavaScript ontsper om dit te lees.;

Datum: 24 apr. 2016 10:33

Onderwerp: RE: selfbeskikking

Aan: Cc:

Beste Johann,

Soos jy uit die aangehegte stukke gesien het is daar ‘n raamwerk vir ‘n Wet op Selfbeskikking gevestig.   Die selfbeskikking wat verlang word is binne die raamwerk van die huidige Grondwet. Die regering erken die reg op selfbeskikking in die aangehegte skrywe.   Dit sal dan ook die basis vorm waarop toekomstige onderhandelinge met die regering gebaseer sal wees.

“Boere-Afrikaner Volksraad” skryf Suid Afrika af as Afrikanerland.

Hierdie “BOERE-AFRIKANER VOLKSRAAD”, wat beslis níé die gedeelte van die Afrikanervolk wat lede van die AVP is en daarby ingesluit alle Afrikaners wat die standpunt handhaaf dat Suid Afrika die Afrikanervolk se land is, verteenwoordig nie, het reeds slegs met die aanvaarding van die beginsel om te onderhandel (met wie ookal), oor di e Afrikaner se eiendomlike,Afrikanerland prysgegee!

In die onderstaande samesprekings met die Swart, Kommunistiese meerderheidsregime vir ‘n volkstaatjie, iewers waar dit die Swartes behaag en so groot as wat hulle bereid is om af te staan, in ruil vir ons Godgegewe erfenis, is die regmatige aanspraak van die Afrikanervolk op Suid Afrika deur hulle prys gegee en in beginsel die reg van die Swart volke op ons vaderland daarmee erken. Daarna was van meet af deur die ANC duidelik gemaak dat geen diskriminasie van welke aard ookal voortaan in Suid Afrika geduld sal word nie. Nie omdat dit vir hulle ‘n morele kwessie was nie, maar bloot om toegang te hê tot dit wat die Afrikanervolk opgebou het.