Sonder ‘n enkele verwysing in sy staatsrede na die verwaarloosde veiligheid van veral die blankes in Suid Afrika en dan veral die blanke boeregemeenskap op plase, was daar sedert sy inhuldiging ‘n gekonsentreerde toeloop van aanvalle en moorde op blankes, asof daar goedkeuring daarvoor was!

Sewe plaasaanvalle net oor die naweek en steeds geen woord van die “nuwe orator” wat sommer dadelik die geldwêreld laat juig het en die banke met 60 biljoen Rand bevoordeel het.  

In Kimberley, Donderdag 18 Februarie 2018 spreek Ramaphosa die  intergeloofsbyeenkoms van die weermag by Mittah Seperepere, Kimberley toe en pleit by 7000 lede om nie by die politiek betrokke te raak nie. Die weermag se primêre rol is om die inwoners van Suid Afrika se veiligheid te verseker.

Vir die AVP is dit duidelik dat sy hele betoog daarop gerig is om te probeer verhoed dat die Zoeloes nie in opstand moet kom teen die ander etniese minderheidsmagte wat nou die beheer geneem het nie. Dit is duidelik dat hy nie ‘n snars omgee vir die blankes wat volgens sy (RAMAPHOSA) , se resep van stadige uitwissing geteiken word  nie. Foto: GCIS                                                                         

1 Joh. 2:18-29

“En nou, my kinders, bly in Hom, sodat ons vrymoedigheid kan hê wanneer hy verskyn en nie beskaamd van Hom weggaan by sy wederkoms nie.  As julle weet dat Hy regverdig is, dan weet julle dat elkeen wat die geregtigheid doen, uit Hom gebore is.”  (:28&29).

Dit is natuurlik ‘n baie omstrede onderwerp wat ons vanoggend aanraak.  Dit wek natuurlik soveel emosie op omdat geen mens die angswekkende waarskuwing wil kry dat hy/sy dalk ‘n ewigheid in die hel gaan deurbring nie.  Om egter hierdie angswekkende waarskuwing met ‘n leuen te probeer bedek, gaan vir jou rampspoedige gevolge inhou.

Laat ons sommer hard en duidelik uit die staanspoor vir die blanke juigkommando vir Ramaphosa, dit weer op die hart druk. Van Ramaphosa was daar vir die Afrikanervolk wat die Republiek van Suid Afrika  uit die wildernis ontworstel, opgebou en beskaaf het en tot die mees moderne staat in Afrika ontwikkel het, géén woord van erkenning, geen positiewe  vonkie van hoop vir beterskap en veral géén versekering van beskerming teen die moorde en misdaad waaraan ons sedert 1994 blootgestel is nie. Nie ‘n woord nie, terwyl alles waaroor hulle nou danksy de Klerk koningkraai, deur die Afrikanervolk daargestel is!

Die skielike bedanking van Jacob Zuma as president, nadat hy nog ‘n dag tevore onverbiddellik was dat hy nie gaan bedank nie, bring ‘n mens nogmaals onder die besef van sinistere magte agter die skerms. Magte wat in Suid Afrika werksaam is om te verseker dat die  beplanning om Suid Afrika uit die Afrikanervolk se hande te hou en plunderbaar te maak vir die magte betrokke, mág die proses nie ontspoor nie. 

Zuma se uittreerede is bepaald nie sy handewerk nie en val dit veral op dat die klem sterk gelê word op die behoud van eensgesindheid binne die ANC. Dit nadat weke se toutrek daarop gedui het dat verdeeldheid tussen die Zoeloes en ander etniese groepe binne die ANC  onvermydelik was en reeds tot botsings gelei het.  Of Zuma se bedanking  vrede in Suid Afrika gaan bring sal nog gesien moet word. Die AVP is nie daarvan oortuig nie!

                                                                                                Foto: Maroela Media