Ek is oortuig daarvan dat die ANC en sy “keiser” baie verontwaardig moet wees dat die Blankes dit gewaag het om hulle hof toe te vat oor haatspraak. Haatspraak was veronderstel om net deur Blankes gepleeg te word. Dit is derhalwe vermetel van Afriforum om die Onaantasbares (“Untouchables”) hof toe te sleep!

Reeds met die sogenaamde Waarheids- en Versoeningskommissie is gesien dat die uitgangspunt van daardie omstrede kommissie en sy hanswors voorsitter was dat dit eintlik net die Blankes, en by name die Afrikaners is wat moes bieg en voor die Kommissie moes verskyn. Soos Tutu destyds gepleit het moes die Blankes net sê hulle is jammer (oor apartheid), dan was die saak reg. Netso is die wetgewing betreffende haatspraak eintlik gerig op Blankes wat Swartes “verneder” deur hulle te “kwets”. Blankes (die onregplegers van die verlede) kan mos nie deur Swartes gekwets word nie.

Die Wet op Bevordering van Gelykheid en Voorkoming van Onbillike Diskriminasie bepaal dat publikasie van woorde wat kwetsend is, of aanhitsing of haat op grond van ras, geslag, godsdiens en etnisiteit bevorder, nie toelaatbaar is nie. Dit neem nie veel van ‘n geleerdheid om te kan bepaal dat om Swartes aan te hits om Blankes (“Boers”) te vermoor, aanhitsing en haat daarstel nie. Nou moet Malema en sy maters na ander redes soek waarom dit gesê of gesing was. Soos dat dit deel van hulle tradisie is! Wel, ek glo dat aanhitsing om Blankes te dood, deel van hulle tradisie is. Die bewyse daarvoor is legio. Maar dit is darem ‘n bietjie dik vir ‘n daalder om aan te voer dat dit nie aanhitsing is om te moor, of gedoen is uit haat nie. Waarom dan enigsins die moeite doen om sulke liedjies met sulke woorde te sing? En veral op die intense wyse wat dit gedoen word? Nou blyk dit boonop dat hierdie “tradisie” nie te ver in die verlede strek nie…

 Daar is reeds vroeër daarop gewys dat hierdie saak hopelik ‘n kentering by “gematigde” Afrikaners sal meebring. Indien Malema getuig en onder kruisverhoor geneem sou word, kan hy moontlik deur die regslui wat Afriforum en die TLU gebruik, in kruisondervraging vernietig word. Met sy Houtwerk-punte as basis lyk so-iets baie waarskynlik. En wil Malema nou werklik onder eed gaan lieg oor sy werklike bedoelings? Hy sal meer as swaar gewapende wagte moet inspan om uit hierdie dilemma te kom. Maar dan is dit ook mos waar dat die waarheid vir baie Swartes dit is wat op daardie oomblik die meeste voordele vir hulle inhou. So beskou is die waarheid vir die hof dat dit nie bedoel was om haat of aanhitsing daar te stel nie. Tussen sy eie mense is dit wel! Ek weet van ‘n geval waar ‘n Swart teologiese student by sy dissiplinêre verhoor ontken het dat hy ‘n vrou swanger gemaak het (daar kon hy geskors word), maar tussen sy eie mense het hy gespog daaroor (daar was sy manlikheid ter sprake!).

Agter geslote deure sal die haat en wrok wat die ANC (met Malema aan die spits) vir die Blankes koester, nou net groter word. En hulle sal hulle liberale adviseurs kwalik neem vir wetgewing wat nou op hulle boemerang. Mag die Blankes ook meer in hierdie saak raaksien as ‘n blote oorwinning van die “regstelsel”; dis nou te sê indien Malema op sy baadjie kry. Om Malema tydelik met ‘n hofbevel te snoer is niksseggend. Haat en wrok leef in die harte van miljoene Swartes wat deur die ANC en SAKP opgesweep is teen hulle “verdrukkers”  - die Blankes. Daardie haat sal groter word as hulle (per implikasie) belet word om te sê en te doen wat hulle wil – naamlik om die Blankes uit te wis in hierdie land.