Geween oor wiskunde

2012-12-09 00:08 CARIEN KRUGER IN PRETORIA

Te min huiswerk, onbekwame onderwysers en onbetrokke ouers is volgens kenners van die moontlike redes vir gr. 9-leerlinge se swak wiskundevermoëns.   Hul landwye gemiddelde in die jaarlikse nasionale assesseringstoetse (ANA’s) was 13%. ANA’s behels sowel wiskunde- as taaltoetse en is vanjaar benewens deur gr. 1- tot 6-leerlinge die eerste keer ook deur gr. 9’s geskryf.

Skaars 1% van gr. 9’s het bo 60% in wiskunde behaal, terwyl sowat 92% tussen 0% en 29% gekry het.

Hoewel daar geldige kritiek deur ontleders uitgespreek word oor die gebrek aan vaardigheid van onderwysers, ouer onbetrokkenheid en traak-my-nieagtigheid van die kinders, is die bo-genoemde resultate simptomaties van die stelsel wat nou in die hande van “Afrika” oorhandig is. Dit was immers F.W. de Klerk wat met sy oorgawe beleid gewaarsku het dat daar ingrypende veranderings in die onderwys gaan kom! Sy dwase politieke kapitulasie voor internasionale aandrang (gelees afdreiging weens “die moontlikheid van ‘n bloedbad”), het sy beloftes van eie skole en eie woongebiede n bespotting gemaak waarvoor die oë nou gesluit word!!