AS JOU SITPLEK BEGIN WARM WORD!

Totale besoekerstal

Artikels vertoon Trefslae: 9963700

Besoekers aanlyn

Ons het 125 gaste en geen lede aanlyn

Teken aan

Media

Gepubliseer op 23 Augustus 2014 | Geskryf deur Redaksie |

|

| Trefslae: 1551

Uit die onderstaande berig, maar meer uit die gesigsuitdrukking van Zuma, kan die klimaat van die onderstaande vraesessie in die parlement bepaal word. Die algemene opvatting dat daar nou ‘n sirkus homself afspeel in Suid Afrika, word nou selfs openlik gebeeldsend vir die wêreld om te sien! Wat vir die AVP, en ons glo vir elke Afrikaner van belang is, is die intellek, politieke insig, maar ook die agenda van elk en almal wat betrokke was met die vestiging van ‘n swart meerderheidsregime in Suid Afrika, ten koste van die Afrikanervolk. Indien die woede werklik oorkook, is ons nader aan mnr. Jaap Marais se politieke ontleding dat geweld onder die swartes sal ontstaan in welke klimaat die Afrikaner weer ons land sal terugneem wanneer die geweld na die blankes oorvloei!

'Woede kan oorkook’

Vrydag 22 Augustus 2014 . – Janet Heard, Jan Gerber en Maryna Lamprecht

Ek kan nie waarborg dat as dit weer gebeur, dat die ANC daartoe in staat sal wees om sy lede te beheer nie. Jackson Mthembu, ANC-LP

Kaapstad. – Oor-en-weer-beskuldigings en dreigemente was Donderdagaand die nadraai van die parlementsitting wat in pandemonium verval het.

Die ANC het gewaarsku dat de dissipline van sy lede nie uit ’n bodemlose put kom nie en die parlement genoop om dringend teen die EFF op te tree om “voorvalle waaroor ons almal spyt gaan wees te voorkom”.

Op ’n mediakonferensie nadat die kalmte herstel is, het Jackson Mthembu, ANC-LP, gesê: “Ons was almal kwaad . . . om dit sagkens te stel. Ten spyte van die woede glo ons ons lede het met dissipline opgetree. Dit kon erger gewees het . . . Nou moet die relevante strukture in die parlement met haas optree om dié soort gedrag te verhoed.”

Hy wou nie voorstel hoe daar teen die EFF opgetree moet word nie, maar het benadruk dat die parlement moet verseker dit gebeur nie weer nie.

“Ek kan nie waarborg dat as dit weer gebeur die ANC daartoe in staat sal wees om sy lede te beheer nie.”

Die ANC het ook vrae gehad oor die parlement se veiligheid. Doris Dlakude, die party se adjunkhoofsweep, het gesê hulle het ’n “anonieme wenk” ontvang dat die EFF die sitting gaan ontwrig.

Dit is aan die parlement oorgedra, maar dit blyk daar was nie ’n veiligheidsplan nie.

Volgens Mthembu het pres. Jacob Zuma sy vrae behoorlik beantwoord.

Volgens die ANC is dit die EFF se “bedoeling om die doel van die parlement te ondermyn en anargie en algemene disrespek te bevorder”.

“Die gewelddadige manier waarop die EFF by kwessies betrokke raak neem Suid-Afrika agteruit. Ons waarsku hulle om ons nie na die verlede toe terug te vat waar ons nie ’n ander keuse sal hê om ons swaar gewonne demokrasie te beskerm nie.”

Só het die sitting verloop

■ Pres. Jacob Zuma: Dankie, agbare speaker. Soos die agbare speaker weet, het ek my antwoord op al die verslae oor die veiligheidsverbeterings by my private woning verlede Donderdag, 14 Augustus 1994, by die speaker ingedien. Baie dankie. 2014, jammer. (Die Huis lag). Jammer, agbare speaker, 2014. (Zuma lag).

■ Julius Malema, EFF-leier: Dankie, agbare speaker. Meneer die president, ons vra u die vraag omdat u ons nie ’n antwoord gegee het nie. Omdat u eerstens nie die 14 dae van die openbare beskermer gehaal het nie en tweedens omdat u in u antwoord vir ons sê die minister van polisie moet besluit of
jy moet betaal. Dit is ons mening dat die OB se verslag enige ander vorm van ’n verslag wat u van êrens anders verwag, troef. So, die vraag wat ons vandag vra, en ons sal nie loop voordast ons ’n antwoord het nie, (die Huis lag) is wanneer jy die geld gaan terugbetaal? Want die OB het opdrag gegee dat jy moet betaal en ons soek ’n datum . . . (Iemand val hom in die rede).

■Malema: Ons soek antwoorde, ons het antwoorde nodig.

■ Baleka Mbete, speaker: Oukei, agbare lid. Agbare lede, hierdie is ’n geleentheid vir die Huis om vrae aan die president te stel. Ek gee die president nou die geleentheid om te antwoord op die bykomende vrae van die agbare Malema.

■ Zuma: Dankie, agbare speaker. Soos ek gesê het toe ek die vraag beantwoord het: Ek het op die Nkandla-verslae geantwoord. Die verslag oor Nkandla is nie net die OB se verslag nie. Daar is die SOE se verslag, daar was ’n verslag van die taakspan. Ek het op al die verslae geantwoord soos ek veronderstel was om te antwoord en ek hoop nie ons gaan van dié kwessie ’n debat maak nie, want ek het behoorlik geantwoord. Die kwessie, byvoorbeeld, waarna die agbare lid verwys, is ’n kwessie wat voortspruit uit die OB se aanbevelings en wat ek sê is die mense wat die verbeterings by Nkandla gedoen het . . . (EFF-lede begin lawaai maak).

■ Mbete: Orde. Orde. Agbare lede, laat die president toe om klaar te maak.

■ Zuma: . . . om te bepaal wie betaal en wanneer hulle betaal. Dit is die regering wat moet besluit en ek het die saak verwys na die mense wat wetlik gemagtig is om dié beslissing te maak. Dankie, agbare speaker. (’n LP maak die punt dat niemand toegelaat mag word om ’n spreker op die podium in die rede te val nie.)

■ Floyd Shivambu, EFF-LP: Agbare speaker, op ’n punt van orde, ons het al aandag aan die reëls gegee, ons ken die reëls, ons kan nie net sit en voortgaan met die kwessie van die reëls nie.

■ Mbete: Agbare president, asseblief?

■ Zuma: Ek het geantwoord.

■ ’n EFF-LP: Kan ons asseblief antwoorde kry?

■ Shivambu: Agbare speaker . . .

■ Mbete: Agbare Shivambu, neem jou sitplek in. Agbare Shivambu, neem jou sitplek in, ek het jou nie ’n spreekbeurt gegee nie. Agbare Shivambu, ek sal jou uit die Huis gooi.

■ Shivambu: Maar hy het nie ons vraag beantwoord nie!

■ Mbete: Ek sal jou uit die Huis uitgooi as jy nie luister nie. Agbare lid van die EFF, sit. Ek lei die vergadering. Agbare lid van die EFF, sit. Neem jou sitplek in, agbare lid. Sit. Ek gaan die polisie vra om lede wat nie ernstig is oor die sitting nie te verwyder.

■ EFF-LP’s: Ons soek die geld! Betaal die geld terug!

■ Mbete: Agbare lede, verlaat die Huis. Agbare lede, ek roep sekuriteit. Ek verdaag die Huis vir ’n paar minute sodat die agbare lede die Huis kan verlaat. Die Huis word vir drie minute verdaag.

■ EFF-LP’s: Betaal die geld terug! Betaal die geld terug! Betaal die geld terug!

’n Woedende Baleka Mbete, speaker.

Die anargiste-etiket waarmee die ANC die EFF Donderdag gebrandmerk het, skeel Malema min.

Hy meen dit is eerder dié party, en veral Zuma, wat anargiste is, omdat hy verantwoordbaarheid oor Nkandla vermy en die grondwet ondermyn word.

Malema het gesê die ANC skuil agter parlementêre reëls – oorgeërf van die apartheidsregime – om verantwoordbaarheid te vermy.

“Ons is hier vir die revolusie. Nie vir reëls nie.”

Volgens Mmusi Maimane, die DA se parlementêre leier, sou die hele petalje vermy kon word indien Baleka Mbete, speaker van die Nasionale Vergadering, Zuma gedwing het om die vrae behoorlik te antwoord.

Tóg meen hy die EFF se “suiwer teatrale” optrede het die aandag van ’n baie belangrike kwessie weggelei en daar moet teen hulle opgetree word.

Hy is ook bekommerd oor die ampswag se onvermoë om die EFF in bedwang te hou.

Mosiuoa Lekota, Cope-leier, het by die EFF se mediakonferensie opgedaag en gesê hul optrede was baie dapper.

“Die president en regerende party is verantwoordelik vir dié anargie,” het Lekota gesê.

Estelle Randall, parlementêre woordvoerder, het in ’n verklaring gesê ’n ander geleentheid sal gevind word waarop Zuma vrae van parlementslede sal beantwoord.

Zuma het net by drie van die ses vrae wat hy sou beantwoord uitgekom toe die Huis verdaag is

Kategorie: Artikels