'n Puik artikel wat bedoel was vir 2 November 2022 plaas ons graag vir die relevante inhoud daarvan!

Deur Jan-Tinus Smuts

Wyle mnr. Jaap Marais, tweede leier van die Herstigte Nasionale Party (HNP), sou vandag 100 jaar oud

gewees het. Sy afsterwe in die jaar 2000 was 'n gróót slag vir ons volk, sonder dat die meeste

volksgenote eers besef het wat se groot slag dit was. As oom Jaap nog gelewe het, sou hy voortgegaan

het om misleiding en volksverraad te openbaar. Ons volk sou nie vandag so vasgevang in die kloue van

veelrassige "Afrikanerorganisasies" gewees het as wat hulle is nie. Baié meer volksgenote sou besef

het dat enige organisasie wat staan op die beginsels van "nierassigheid" 'n struikelblok vir die oorlewing

van die Afrikanervolk is.

Ek het die besonderse voorreg gehad om oom Jaap persoonlik te geken het. In die tydperk wat ek as

jongman vir die HNP se koerant "Die Afrikaner" gewerk het, het ek hom op 'n weeklikse basis gesien.

Van politiek het ek voorwaar baié by hom geleer, waarvoor ek altyd dankbaar sal wees.

Oom Jaap was altyd gekritiseer oor hy verraad openbaar het, maar later was hy áltyd reg bewys. Nou

word ons mense weer mislei en mense is weer kwaad wanneer volksverraad en misleiding aan hulle

geopenbaar word. Snaaks hoe die geskiedenis homself herhaal. Laat ons dink aan oom Jaap en laat

ons veg teen die wolwe in skaapsklere, laat ons alle fopspene wat ons volk mislei verwerp!

Oom Jaap is nie meer met ons nie, maar sy nalatenskap sal altyd met ons wees solank ons die volgende

geslagte die lesse leer wat Jaap Marais ons geslag geleer het. Ek glo wanneer ons eendag ons

vaderland terug het, sal daar in die hoofstad 'n standbeeld vir oom Jaap opgerig word en sal kinders in

die skool van die merkwaardige volksman leer.

Oorspronklik gepubliseer op: https://web.facebook.com/jantinussmuts