Neh. 8:1-19:“En hulle het uit die boek, uit die wet van God, duidelik voorgelees en dit verklaar, sodat hulle verstaan het wat voorgelees is. Daarop het Nehemía — hy was die goewerneur — en Esra, die priester, die skrifgeleerde, en die Leviete wat die volk onderrig, aan die hele volk gesê: Hierdie dag is heilig aan die Here julle God; treur nie en ween nie! Want die hele volk het geween toe hulle die woorde van die wet hoor. Verder het hy vir hulle gesê: Gaan, eet lekker spys en drink soet dranke en stuur porsies aan hulle vir wie niks berei is nie; want hierdie dag is heilig aan onse Here. Wees dan nie bedroef nie, want die blydskap in die Here — dit is julle beskutting.” (:9-11).

PARTYLEIER MNR. BART VAN DER TANG VAN DIE SGP-TAK RHENEN: "NA DIE MENING VAN ONS PARTY IS DIT BAIE BELANGRIK DAT DAAR VOLDOENDE ONDERSTEUNING ONDER ONS INWONERS IS, ANDERS IS ONTVANGS OP DAARDIE PLEK NIE VERSTANDIG NIE"

Geagte leser. Ons het 'n interessante onderhoud in Nederlands gehad met mnr. Van der Tang, die partyleier van die Rhenense afdeling van die Staatkundige Gereformeerde Party n.a.v. die feit dat 'n asielsoekersentrum vir 200 bewoners, wat by die Prattenburg-landgoed gevestig sou word, nou geskrap is. Op 23 Januarie het honderde inwoners van die dorpie Elst 'n inligtingsvergadering oor hierdie asielskuiling by die Prattenburg-landgoed bygewoon.
Die naweek het vrywilligers van 'n aksiekomitee, wat deur mnr. Jan Scheffer in die dorp gestig is, reeds 2 800 handtekeninge teen die asielhuisvesting ingesamel deur 'n petisie.
Talle inwoners van Elst wou hê die munisipaliteit moes hoogstens 120 vlugtelinge huisves en dat hulle ook eweredig onder die drie dorpsentrums verdeel moet word. 70 in Rhenen, 25 in Elst en 25 in Achterberg. Die burgemeester het nie gedink dit is 'n goeie plan nie, want verspreiding oor die drie dorpsentrums sou veels te duur wees. Ons het mnr. Van der Tang o.a. vrae gevra welke party in die raad voorstander was van dié blyplek en wat die rede was dat hulle daar mee ingestem het.

2 Kor. 12:1-10: “En Hy het vir my gesê: My genade is vir jou genoeg, want my krag word in swakheid volbring. Baie liewer sal ek dus in my swakhede roem, sodat die krag van Christus in my kan woon.” (:9). Elkeen van ons het sekerlik al die hoogtepunt sowel as die laagtepunt van krag in ons eie lewe ervaar. Daardie kere wat dit gevoel het asof ons onstuitbaar is en geen ding op aarde vir ons ’n hindernis te groot of te klein kan inhou nie. En hoe maklik is ons nie deur klein hindernisse van hierdie hoogte afgewerp nie! Ons beland dan dikwels só laag in die afgrond van moedeloosheid dat dit voel asof niks in hierdie ganse heelal ons weer sal kan opbeur nie.