Optimus Template

‘n Boek van David Ray Griffin het onlangs verskyn waarin die gebeure van 11 September 2001 nogeens onder die vergrootglas geneem word. Die titel daarvan is: The Mysterious Collapse of World Trade Center 7: Why the Final Official Report about 9/11 is Unscientific and False.

Die slotsom waartoe Griffin raak, is dat die amptelike verslag wat die Ondersoekkommissie na die gebeure uitgereik het, nie alleen onwetenskaplik is nie, maar ook vals. Min mense is vandag steeds bewus van die feit dat, benewens die sogenaamde Twin Towers (WTC1 and 2), wat deur vliegtuie getref en later na benede gestort het, daar ook ‘n derde gebou van 47 verdiepings en 186 meter hoog, bekend as Building 7 of World Trade Centre, beter bekend as WTC7 in slegs 6,5 sekondes ingetuimel het, sonder dat enige iets daardie gebou getref het.

Tim du Plessis gooi darem erg wal vandag oor hoe akkuraat Beeld gewoonlik dan berig. Ons deel nie juis sy geesdrif nie, ons weet van te veel gevalle waar ons self mee te doen gekry het wat nie so deur Beeld oorgedra is nie. Een ding het hy darem reg, Beeld maak liewer van baie gevalle geen melding. Dit is nou veral as dit ‘n sensitiewe rasaangeleentheid is, dan is swye die enigste uitweg tot vrede met sy meesters.

Daar was heelwat bespiegelinge oor ‘n moontlike poging tot moord op Mandela die aand van sy verjaarsdag in Julie. Natuurlik is daar gepoog om dit stil te hou en het die liberale media nie daaroor berig sover bekend nie. Die gerugte het beweer dat ‘n swaar gewapende bende die aand gepoog het om Mandela om die lewe te bring maar dat sy dogter op hulle geskiet het waarna hulle die aftog geblaas het. Nou het die ANC-polisie bevestig dat hulle ‘n poging tot moord op Mandela ondersoek. Dit het volgens hulle by die huis van sy dogter Zindzi in Johannesburg plaasgevind, en definitief in Julie. Dan was dit nie net gerugte nie, né Naspers.

So word daar teen jou wit vel gediskrimineer. Mnr. Neels Niemand (20) is gister deur twee Swart polisiebeamptes van die Navalsig-polisiekantoor in Bloemfontein agter in die polisievangwa geboender. Die twee magsugtiges het doodeenvoudig langs hom gestop terwyl hy oppad was om drie DVD’s wat hy gehuur het te gaan teruggee, hom geboei en sonder ‘n enige ondervraging in die vangwa gegooi. “Ek het deur die spruit naby Normandielaan in Noordhoek gestap toe ek die polisiebakkie sien aankom. Hulle het langs my gestop en my sonder om ’n woord te rep geboei en agter in die vangwa gegooi. Hulle wou my nie antwoord toe ek vra waarom ek in hegtenis geneem word nie. Daarna het hulle deur die veld gejaag.”

So gebeur dit as daar in ander Afrikastate oor geldelike redes gestaak word: die polisie klim in en leer die stakers ‘n les met skerp ammunisie sonder om twee keer te dink. Bietjie anders as hier in Suid-Afrika waar die polisie voorloop in die oproere. Dit was nodig nadat ook tientalle Suid-Afrikaners gestrand gelaat is toe paaie na en van die stad, waaronder die pad na die lughawe, met brandende bande versper is. Verskeie vlugte van Suid-Afrika is gekanselleer.